Digter bring tweede bundel en kinderboeke uit

Pat Viljoen, met van haar skryfwerk wat weer onlangs gepubliseer is.
Pat Viljoen, met van haar skryfwerk wat weer onlangs gepubliseer is.

‘n Huisvrou van Carletonville se lewe
het nuwe stoom gekry na sy verlede
jaar haar eerste digbundel uitgebring
het.
Hoewel Pat Viljoen (52), reeds van
haar tienerjare af geskryf het, het sy
eers verlede jaar, onder die druk van
‘n vriendin, Hestie Markram, haar eerste
digbundel voltooi. Hoewel Viljoen
eintlik Engels is, skryf sy ook in Afrikaans
en spits haar op Christelike gedigte
toe.
Sedert dié tyd het die borrelende ouma
se nuwe aksie egter vlam gevat en
sy sê self dat dit haar lewe drasties begin
verander het.
“Alles het so vinnig begin gebeur dat
die digkuns nou nie meer net ‘n stokperdjie
is nie, maar vir my ‘n loopbaan
begin word het,” het Viljoen die afgelope
week aan die Herald vertel. Na haar
eerste bundel, “Out of the darkness comes
light” uitgebring is, het Viljoen se
wêreld skielik begin oopgaan en sy is
nou deel van ‘n groep van sowat 3 000
digters wat gereeld met mekaar in kontak
is.
Danksy dié kontak het sy reeds verskeie
kompetisies, waaronder geborgde
voorbladontwerpe vir haar bundels,
gewen.
Haar tweede digbundel “Where He leads”
is onlangs uitgebring. Dié bundel
bevat 97 gedigte en is in verskillende
afdelings ingedeel.
Hoewel die meeste van die afdelings
met verskillende aspekte van Christenskap
te doen het, is Deel 6 genaamd
“Because you are a woman” spesiaal ingewerk
omdat Viljoen die vrou in haar
‘n stem wou gee.
“As vrou vergeet ons soms hoe diensbaar
ons is. Ons is die enigste persoon
wat ‘n man na die Here kan lei sonder
om eers met hom te praat. Hoewel
vroue soms neerslagtig voel, is hulle
eintlik sulke magtige mense in die Here
se hande,” deel Viljoen haar visie.
Behalwe vir die digbundel het Viljoen
ook ‘n kinderboek wat sy self in beide
Afrikaans en Engels vertaal het, “Kom
ons leer van Jesus” en “Let’s learn
about Jesus”, uitgebring.
Op elk van die 36 bladsye is ‘n mooi
inkleurprent vir kleingoed saam met ‘n
Bybelverhaal wat in eenvoudige taal geskryf
is.
Volgens Viljoen het sy dié boeke aangepak
omdat sy met haar eie kleinkinders
agtergekom het dat die lesse van
Bybelverhale soms verlore gaan omdat
kleingoed nie van die groot woorde wat
soms gebruik word, mooi kan verstaan
nie.
Sy is egter nog ver van stilsit en beplan
om haar volgende bundel teen einde
Junie voltooi te hê.
Lesers wat graag met haar in aanraking
wil kom, kan haar by patriciaviljoen@
outlook kontak.

Latest News

COMMENTS

Parys GazettePotchefstroom HeraldSedibeng SterVaal Weekblad
Top